නාවලපිටිය නගරයේ මංමාවත්වල අවිධිමත් ලෙස බැහැර කර තිබූ කසළ මලුවල තිබී හමුවී ඇති ඉරා දමන ලද ඡායාරූප, විදුලි සහ ජල බිල්පත් ඇතුළු විවිධ ආයතන සමඟ ගනුදෙනු කළ නම සහ ලිපිනය සඳහන් රිසිට්පත් ආදිය උපයෝගි කරගනිමින් කළ විමර්ශනවලදී අනාවරණය කරගත් තොරතුරු මත එම කසළ මලු මහමඟ දමාගිය පුද්ගලයන් 12 දෙනෙක් හඳුනාගෙන ඒ අයට විරුද්ධව නිරෝධායන හා රෝග වැළැක්වීමේ ආපදා පනත යටතේ නාවලපිටිය මහෙස්ත්‍රාත් අධිකරණයේ නඩු පවරා තිබේ.
නගරයේ කසළ බැහැර කිරීම කොතරම් විධිමත් අයුරින් සැලසුමකට අනුව කළත් රාත්‍රි කාලයේදී හෝ
දුර්ගන්ධය සහිත අප්‍රසන්න කසළ මලු තමාත් නගර සභාවේ සේවකයනුත් පරික්‍ෂා කිරීම් දිගටම සිදු කරමින් ජනතාව පීඩාවට පත් කරන පුද්ගලයන් සොයා ගෙන නීතිය හමුවට ගෙනයන බවත් නාවලපිටිය නගර සභාවේ මහජන සෞඛ්‍ය පරීක්‍ෂක නුවන් කැකුලන්දර මහතා පැවැසීය.
නාවලපිටිය අඹගමුව පාර, සොයිසාකැලේ පාරේ රෝහල පසුපස හන්දිය, ෙදාළොස්බාගේ පාර, ජයසුන්දර පාර, පැණිතුඩුමුල්ල පාර සහ තලවාකැලේ පාර යන මාර්ගවල කසළ මලු හමුවී ඇත. මෙම කසළ මලුවලින් සමහරක් එව් නාවලපිටිය නගරයෙන් පිට අයගේ බවද ඇතැම් අය ප්‍රසිද්ධ ව්‍යාපාරිකයන් මෙන්ම ජේ‍යාතිෂ ශාස්ත්‍රඥයන් බවටද හෙළි වී තිබේ. සමහර අය පිටත සිට නගරයේ ත්‍රිරෝද රථ ගාල්වලට පැමිණෙන කුලී රථ රියැදුරන් බවටද හඳුනාගෙන තිබේ. මේ අතර මෙසේ මහමඟ කසළ මලු දමා ගිය පුද්ගලයන් දෙදෙනකුට එරෙහිව පසුගිය සතියේද නාවලපිටිය මහෙස්ත්‍රාත් අධිකරණයේ නඩු පැවැරීමෙන් පසු එක් අයකුට රුපියල් 3000ක් බැගින් දඩ මුදලක් ගෙවීමට නාවලපිටිය මහෙස්ත්‍රාත් චාන්දනී මීගොඩ මහත්මිය නියෝග කළාය.
නාවලපිටිය - අතුල දිසානායක
under the courtesy of mawbima.lk news web